رقم الأستشارة:
19
27/12/2016
السلام عليكم------كان بيني وبين الشركه اللي كنت شغال فيها مشاكل ورفعت عليهم دعوي في مكتب العمل بطالبهم بالتعويض وهما رفعوا عليا اذن استلام بضاعه كنت ماضيه علي بياض في مسوغات التعيين وملوه ببضاعه وهميه ورغم اني قدمت للقاضي المحضر اللي انا عامله انا وزمايلي بنثبت فيه الكلام ده وكمان قدمتله صوره رسميه من براءه واخدها واحد زملنا ف نفس الموضوع الا ان القاضي اداني حكم بالحبس... اعمل ايه ياريت تفيدوني مع العلم ان الشركة دى بعتتلي تهدييدات من الميل بتاعهم عشان اتنازل عن القواضى انا وزمايلي-عايز اعمل محضر بالتهديدات دى بس ازاى اثبت ان الميل دة بتاع الشركة لانهم ممكن يلغوا السيرفر ويمسحوا الرسايل-وشكرا
وائل
01098755550
الرد علي الاستشارة:
لو الحكم الصادر ضدك غيابي يتم عمل معارضة ولو الحكم حضوري يتم عمل استئناف حكم أول درجة وتقديم حافظة مستندات تنطوي علي صورة رسمية من محضر الزميل وصورة رسمية من الحكم بالبراءة وتقديم مذكرة تفيد بأن الجنحة هي نفس ذات الجنحة الماثلة ( وحدة الموضوع ) وتطلب سماع شهود أثبات من الشركة بأن الشركة تطلب من جميع العاملين التوقيع علي اذن استلام بضاعة